الأحد 2017-12-24 17:30:18 صحافة المواطنين
"لازم نام".. "بس في ضو أخضر عند اسمو"
لازم نام.. بس في قصص ما شفتها وفي أخبار ما قرأتها وعجقة تصريحات وتنديدات واعتداءات.
 
في قرارات و نشرة أسعار.. في رفقات قدما عايشين حياتن.. ورفقات عايشين حياتنا.. في خبريات وأنشطة وأغاني وأفلام 
و في ضو أخضر عند اسمو.
 
لازم نام.. في صبح قرب يجي ووجوه ما عم تنطفي.. وأسماء كتير أسماء، عمتتمرجح بين غيبة صحابها ووجع القلب اللي بيتركو ذكرها.. في أشباح وتعب.. وضو أخضر جنب اسمو. 
 
في نطرة وعبث وبرد عم يحوط ولاد الحرب و يحتلن.. في مطر.. بس كتير الرماد.. في حلم متل النجوم البعيدة.. ممكن هو اختفى من زمان وعم يضحك علينا بالضو الأخضر عند اسمو.
 
الحكي طويل.. ورفقاتي بالن قصير.. بس في ضو أخضر عند اسمو.
 
 
بقلم رهام شاش
 
جميع الحقوق محفوظة لموقع   سيريالايف - أخبار سورية SYRIA NEWS © 2006 - 2021